بأناقه
وبثقةٍ خطِره
يفتح لي باب السيارة ، ويقول
تعالي يا فتاتي .. ولنمرح
أُعذرني
لا أجيد اللُعبه
فأجيب بصمت مختصرٍ واسيرْ
يتبعني
سأُعلم جسدك كيف يكون العُهر
والمتعه
فتعالي واغتنمي الفرصه
أختبأُ في نفسي وأُتابع
يتبعني ولا يسأم ابداً
ويعيد كلاما معسولا
وكلاما بالرغبةِ ينبض
لو كنت بلا شكل مرئي
من قومي ارحمني يا ربي
في تكتُم
إعتادي الامر
الدنيا زحامٌ آنستي
فالعربه بالجوعي إمتلأت
ما كان لكِ هنا ان تاتي
فالبيت أمان
، أواتزني
ولننهي الأمر
انتفض في ذَعر وتحدي
ابتعد فتأتي الانظار
مُتَهِمه
فلتُحرق
هي رأس الفتنه
يارب
من قومي ارحمني
أدخل في البيت واختبئ
من جسدي ومن كل الدنيا
تتبعني أمي وتسألني في صمت
مابك
لاشئ
اعتدت الصمت
حسناً فلدي الانباء
فهناك الفارس قد جاء
سيحقق كل الاحلام
من بيت وفرح وضياء
كوني في الصمت كما الآيه
فعلي أخلاقنا قد جاء
ماذا عن بعض الاحلام
عن علم وحب وأمان
عن عمل وشئ اسمه كيان
عن رغبة شخص له اسمي موضوع ببعض الاوراق
عن دنيا تملؤها الرحمه
ماذا عن كوني انسان
الموت او العيش المُرضي
والموت لمن كان جبان
يارب اعطيهم بعض العقل
يا رب الهمني بعض الصبر
والقوه
ساعدني الآن
جمييل جدا يا تونة و حسيت بيها اوي
ReplyDeleteللأسف دايما مجتمنا بيطالب البنت تكون بلاشخصية علشان تظل بنت مؤدبة في نظرهم
تحياتي لك على اختيارك
تحياتي
ReplyDeleteاسلوبك جميل و رشيق... المهم المضمون ايضا جيد و يطرح معاناة الفتاة في المجتمع... و علي فكرة...المعاناة ليست فقط في مصر أو عالمنا العربي...لكن ايضا في اوربا و الولايات المتحدة التي بها أعلي نسبة تحرش ... و جرائم اغتصاب.
عموما...الحل هو في ان نتعلم صحيح الدين...و نترك عادات بالية تتعارض مع مفاهيم و قيم الدين الحنيف...
و ياريت كلنا نتذكر ان نغض بصرنا..
فننهي احدي المشاكل التي تتعلق بالاناث.
تحياتي
رائع يا فاتن كالعادة
ReplyDeleteعودة تدوينية و نشاط غير مألوف .. اكتر من بوست قريت .. و التعبير المميز الجذاب .. كالمعتاد
جميل جدا البوست ده بالذات
تحياتي لك
هى العادات والتقاليد
ReplyDeleteواحنا فى مجتمع شرقى
ومحو كلمة دينا ما امرش بكدا
بل فى كل شئ العادات والتقاليد وليس الدين
محتاجين صحوة دينية
ومحتاجين ننسى شئ اسمه العادات والتقاليد
دمتى بكل ود
هو شعر بس شعر رائع
ReplyDeleteوان كنتى مش عاوزة تحطيه فى قالب معين
مش مهم المهم انك
تظلى مبدعة يا
ت و ن ا
ممممم جمــيل
ReplyDeleteجدا
اخلاق الناس في الشارع بقت مأساة جدا
ده أنا مبحبش أمشي مع بنت خالتي في الشارع واما بمشي ببقي متحفز للقتال حاسس اني ممكن اخش في خناقة في اي وقت
لا لا خلاص مبقاش في احترام خلاص انتهي
تحياتي
رائع يا تونا..ٌقمه في التجسيد و الواقعيه
ReplyDeleteتحياتي لكب
الفكره والاسلوب والكلمات رائعين
ReplyDeleteبس اعتقد انها كانت محتاجه شويه تنظيم على هئيه قصيده لانها ااقرب للشعر
تحياتى
احيكي على اثارة القضية دي والاسلوبالرائع في التعبير عنها
ReplyDeleteالبنت الشرقية دايما متهمةوفي كل
الحلات مزنبة
متهمة اذا اشتغلت وخرجت من البيت واذا مشتغلتش وفرطت في كينونتها
وكتير كتير من المتناقضات دي
عمري ما حبيت قصة الاميرة النائمة لانها زي كل بنت عربية
بتفضل نايمةمستسلمة لحد ما يجي امير متعرفهوش ولا يعرفها
يبوسها
تصحي
تحبه من اول نظرة
تكتفي بانه كان بيدور عليها
يجوزوا وتنتهي الحدوتة بتبات وتباته
البنات تحلم بالنوم
والشباب بالسفر والبوسة
والنتيجة
الاتنين عايشين في عالم موازي
يجمعهم بس باب اريد عريسا
جامد البوست ده تخيلته
ReplyDeleteوحسيته....بس المشكله ...ان مش ديما الهدوء ده بيفضل موجود لاازم بيجى يوم والهدوء ده هينقلب بس انقلااب هايل
الحلم العربي
ReplyDeleteهو فعلا دا الواقع في فئات كتيره اوي من المجتمع .. يعني لازم ميكونش ليكي لا راي ولا اختيار .. لازم تسمعي الكلام ولو انجرحتي او اندبحتي مش من حقك تتكلمي
بس علي مين :)
نورتيني
الربان
هو الموضوع فعلا متعلق بالبعد عن قواعد ومرجعيات ثابته نستند عليها وتقوينا
بس هو مين اللي بعدنا عن الدين
الدين متاح للجميع
واحترام الذات والاخرين بتنص عليه كل الاديان واعتقد حتي الملحدين عندهم قناعه بان الكون ماشي بنظام تاني .. يعني عارفين ان المفروض يكون فيه نظام
المشكله مش في الدين
متشكره لمرورك ونورتني اكيد :)
يوسف
يوسف .. عوده كنت محتاجاها .. رأيك بيفرحني علي فكره ومبسوطه انه عجبك :)
Desert cat
بصي هي العادات والتقاليد مينفعش نظلمها لاننا في النهايه عندنا عقل المفروض يحكمنا
كمان العادات والتقاليد ان كانت بتيجي علي البنت في حاجات فهي برضه مقالتش خالص ان البنت كل ما تخرج من بيتها متبقاش مطمنه علي نفسها ويبقي التساخف عليها ومعاملتها علي انها مجرد جسم المفروض يبقي متاح وعادي كده.. هي كانت بتحافظ علي البنت لدرجه التحفظ والخنق
انا معاكي ان الرجوع للقواعد والثوابت في شكل عقيده ودين او حتي في اي شكل اخر لغير المتدينين شئ اساسي ومطلوب
نورتيني بجد :)
همسات
طب لما انا يتقالي مبدعه دي اعمل ايه بس
طبعا هي الكلمه كبيره اوي وواسعه عليه جدا
بس كون كتاباتي بتعجبك علي عيوبها كده فدا شرف ليه وبيفرحني :)
ibn nasser - ابن
هي فعلا الفوضي دلوقت بقت سايده بشكل مزعج ومخيف .. بس فكر معانا كده ايه ممكن يكون حل
نورت اكيد :)
micheal
ميرسي يا مايكل علي الكلام الجميل دا وبجد مبسوطه انه عجبك :)
رئيس جمهوريه نفسى
مش فاهمه تقصد تنظيم في الشكل ولا المضمون من الناحيه الادبيه
بس هو عامه انا مش شايفه اني لازم التزم بشكل ادبي معين
لكن الشكل الخارجي اعتقد ظبطه
ميرسي اكيد علي توجيهك ونورت بجد :)
bondok
ايواااااااااااه .. المتناقضات .. هي دي وكويس انك وصلتلها .. متخرجيش من البيت من غير سبب ويفضل متخرجيش اساسا .. اخرجي عشان تشتغلي بدل ما انت قاعده .. متكلميش حد ومتخطلتيش بحد .. ايه ؟ هو مفيش عريس كده ولا كده ؟ .. متحطيش مكياج عشان حرام وعيب .. انت مش شايفه البنات بيعملوا ايه في نفسهم هو انت مش بنت ولا ايه
ياساتر
ايه الرغي اللي فوق دا
عامه مبقاش فيه دلوقت اميره نائمه .. في اميره شقيانه ومتعلمه وبتشارك في كل حاجه .. هي بس محتاجه شويه تعاون وفهم
نورت واسفه للتطويل :)
camera_girl
هو احيانا الهدء بيكون جو مناسب للتحرك السليم .. بس معاكي انه مش لازم يطول اوي.. هو بس بياخد وقته
مبسوطه انه عجبك يا ميرو :)
فكرة حلوة وكلمات رائعة ومعبرة
ReplyDeleteعجبنى البوست ده جدااااااااا
تحياتى يا تونا