Followers

Monday, August 14, 2006

(4)احلام ما قبل النوم
عندما تتقلص احتياجاتك الدنيويه ، عندما تصبح الحاجات شئ ثانوي - بل عندما تصبح الدنيا كلها ثانويه .... فهل انت في طريقك الي الذهد ؟
عندما تجد اهتماماتك بلا معني ، وتنظر الي حياتك السالفه نظرة العاقل الي الغافل - تسأل نفسك مالك وهذه الدنيا , والذي طالما اردته اصبح بغير ذي قيمه ولا معني .. يختلف احساسك بالقيمه وبنسبية الامور ... فهل انت في طريقك الي الحكمه ؟
انها نقطه فاصله - فهي نقطة الارتقاء - اختلفت مقاييس النجاح ومقاييس الكمال ومبادئ الاجتهاد والسعي ,
عندما يتفطر قلبك لابسط الاشياء التي لم تكن تعيرها اهتماما - عندما يختلف الاحساس بالاماكن , وعندما تتغير وجهات النظر - عندما تتبدل حواسك وكأنها مرت بعملية معالجه كميائيه او تنقيه عالية الدرجه فتري مالم تكن تراه وتسمع مالم تكن تسمعه وتشعر بما لم تكن تشعر به , عندما تري وجوها غريبه فتشعر تجاهها بالالفه والحب وتشمئز من اخري لطالما احببت رؤيتها , عندما تتغير الصحبه فلا تصبح للاشخاص بل لما ظننتها دائما مجرد اشياء
يبدأ التحول عنما يصل اغترابك الي حد الجنون - فلم تعد تحب ما كنت تحب ولا تأنس بما كنت تأنس - عندما يتغير الادراك ويصبح لديك ميزانا حساس يقدر الامور بشكل مختلف _ وقت ان تصبح بين امرين لا يلتقيان الا من الاطراف - البدايات والنهايات - فنهاية العبقريه هي بداية الجنون , وبداية الحكمه هي نهاية الادراك - وهنا تلتقي الاشياء وتسمي الاسماء .

19 comments:

ملك said...

انا بسمى ده النضج اكتر من الازم لما الثمرة تنضج اكتر من الازم بتقع من غير ما حد يستمتع بيها.

انا الحقيقة مستغرب اول مرة الاقى بنت بتفكر بالطريقة ده من غير تعصب و الله و لا حاجة

تحياتى

Ezz said...

أولا شكرا على الزيارة والتعليق الجميل. ثانيا : نعم ما بين الحكمة والإدراك شعرة كما بين العبقرية والجنون شعرة.. ولكن قمة الزهد يا سيدتي عندما تنظري إلى من كان لا يمكن تصور الحياة بدونه.. و كأنه ما كان.. هنا تكوني فعلا أكتشفت أن الحياة رغم قسوتها قابلة للعيش فيها... عز

Ghada said...

أعتقد أن هذا يعني، إن الشخص ده في طريقه إلى

الاكتئاب

إن الدنيا تتحول إلى شيء بلا معنى، وإنك متبقيش بتحبي الحاجات اللي كنتي بتحبيهاقبل كده، وإنك تبقي سريعة التأثر جداً ودمعتك قريبة

دي كلها أعراض اكتئاب

والله أعلم

tona said...

ملك
بالنسبه لموضوع النضج الزايد اللي بيخليك متستمتعش بالحاجه فاحب اوضح لك انك صحيح مبتستمتعش بالحاجه دي بالشكل الطبيعي علي اساس ان الطبيعي دا هو الشكل السائد , يعني بتحسها بشكل مختلف عن ما لو كنت جواها
بس في المقابل انت بتستمتع بحاجات تانيه محدش بيحس بيها غيرك , وكمان بتكتشف نفسك من تاني وبتعيد اكتشاف المعاني اللي حواليك , يعني قدرتك علي الاستمتاع بتزيد مش بتنعدم



عز
انت سا عتها مش بس بتكتشف ان الحياه قابله للعيش , انت كمان بتكتشف طرق تانيه للحياه اكثر امتاعا



غاده
مين قال ان الحياه مبيبقاش ليها معني بالعكس , في الوقت دا انتي بتكتشفي معاني جديده للحياه علي طريقتك انتي , وكمان بتشوفي كل حاجه بشكل مختلف واحساسك بيرتقي عشان كده ممكن وجهة نظرك تختلف في الاشياء اللي كنتي بتحبيها , ممكن تحبيها اكتر وممكن العكس - بس الاكيد انك بتشوفيها صح

ملك said...

معاك انك بتحسى بالجمال المتناهى للأشياء بس ما بتأدريش تشاركى حد معاكى لأنه مش بيبقى مستمتع بنفس الاشياء و لا حاسس بيها اصلاً هوه بيبقى شايف الوردة و انتى شايفا جمال روحى خفى جوه نظرته للورده.
فيه فرق سرعات
:)

ادم المصري said...

عندما تتقلص احتياجاتك الدنيويه ، عندما تصبح الحاجات شئ ثانوي - بل عندما تصبح الدنيا كلها ثانويه .... فهل انت في طريقك الي الذهد ؟



لا عندها اكون في طريقي الي لكلية ... لان بعد الثنوية فيه الكية ولا ايه ؟


بصراحه انا حاسس انك عايش اكبر من سنك مش عارف ليه ياعم فكك

قول يا باسط

Aoossa said...

أنت عايشه قصة حب
أنصحك تراجعى نفسك
الحب العذاب ده بلاش منه
الدنيا مش ناقصه
تحياتى
قارئة الفنجان

tona said...

ملك
كونك مش هتقدر تشارك حد معاك فده شئ مؤلم
بس مش جديد علي حد اتعود بيقي لوحده



آدم
لذيذه اوي صيغة المذكر اللي بتكلمني بيها



برنسس اوسا
هو الكلام علي مين بالظبط

ادم المصري said...

ما خلاص بقي انا اسف
مش قولنا العتب ع الجزر

ادم المصري said...

طب انت فين بقي

tona said...

آدم

حمدالله علي السلامه يا عم
يا تري اسمريت ولا كنت بتستعمل صن بلوك

KazaBaza said...

الكلام ده مش كلام 22 سنه
بس تعرفي احسن حاجه احساسك العالي ده

لكن ايه هو سر التحول يعني ايه الي يحصل علشان
"
عندما يتفطر قلبك لابسط الاشياء التي لم تكن تعيرها اهتماما - عندما يختلف الاحساس بالاماكن وعندما تتغير وجهات النظر
"

شكرا علي الزياره

Sampateek said...

كالعادة
جميلة يا تونة
يبدأ التحول عنما يصل اغترابك الي حد الجنون - فلم تعد تحب ما كنت تحب ولا تأنس بما كنت تأنس - عندما يتغير.......
عجبتني قوي

tona said...

kazabaza

والله 22 سنه
تشوف البطاقه ؟
ميرسي علي تشريفك




كلبوزه لكن سمباتيك

يا ستي ربنا يكرمك
دليما كده رافعه معنوياتي
يا رب تكوني احسن دلوقتي يا قمر

أحمد شوقش said...

هو بداية الابداع هي دايما الزهد في الأشياء لأن الزهد مش معناه التخلص من الدنيا و لكن الزهد هو قمة المعرفة بالدنيا.. لأنه الزاهد يرى الدنيا اكثر من اي شخص اخر لأنه يراها على حقيقتها
فبيتبدي يضيف ليها حجات تديها معنى

Aoossa said...

فين جديدك ياقمر

sydalany-وش مكرمش said...

عندما يتغير الادراك ويصبح لديك ميزانا حساس يقدر الامور بشكل مختلف

فعلا ده اللي بيحصل

مافيش كلام يتقال بعد الجملة دي

ادم المصري said...

انتيييييييي فييييييييييييين

فين الجديد

عيل شقي said...

انا اخو آدم واسمى محمد وبقول لكى
كلامك يشرح القلب وانتى ملكة الكلام مش زى الملوك الى انتى كتباهم فى القصة الجميلة دية
ياريت تعلقيلى على البلةج بتاعى واسمة




www.3yl-shaky.blogspot.com

عيل شقي

حبيبى