Followers

Saturday, December 15, 2007


كنت تشبه امطار الصيف

تلك التي تبدو مخيفه .. مقلقه .. لدي العصابيين .. تبدو مفاجئه ومرحه لدي الاطفال والمجانين .. ذوي القلوب الغضه والخبرات القليله

.

.

كنت دائما كامطار الصيف

تأتي دائما قويه ..مندفعه .. غيرعابئه بامزجتنا وخطننا اليائسه .. تفرض ذاتها الجميله , وتبدل خارطه ايامنا

تملئنا دائما بالبهجه .. والفوضي .. تجذبنا من دوائرنا الصغيره .. المحدوده .. تدعونا الي مشاهدة السماء وقد ارتدت الوان القوس قزح

.

.


انت حقا كالامطار الصيفيه

تأتي مباغته .. في وقت جفت فيه المشاعر .. وارتفعت حراره الارهاق

تأتي لتبدل طقسي .. وتحقق امنياتي المختبئه حياءا وخوفا

تأتي بلا مواعيد او توقعات مسبقه .. تأتي من فرط حاجتي اليك .. ومن فرط جنونك


.

.

انت كالامطار الصيفيه يا حبيبي

دائما ما تكون رائـــع .. وثائر .. وغير متوقع

تأتي لتعلمني ان لا افقد فرحتي .. تعلمني ان هناك مجالا للحلم

تعلمني ان مهما ابتعدت .. ستظل عالقا في السماء في انتظار مناداتي الخافته

18 comments:

إبـراهيم ... معـايــا said...

مـســاء .. وجودك ... الشهي .. الدافيء

.... كلمـات رقيقة .. ورااائعة ، وصورة أحلى يا تونـا

إيه الجمال ده كلله ؟؟؟

وشاعـرة كمان


بجد حلو قوووي

camera_girl said...

يا بنتى ارحمينى مييييين الى وااااااااو فينا..انا ولا انتى بس انا معندكيش فكره مبسوطه بالصوره ايه التطور الرهيب ده؟؟...صوره جامده وماشيه جدا مع البوست...يا جميل انت يا معقدنى

e7na said...

اجمل الاشياء تلك التى لا نتوقعها ولا نحسب لها

تضيع منا بعض اللحظات الجميله بالانتظار ...يفسدها

هكذا امطار الصيف...وحبيبك


اسف على الغياب

مصطفى السيد سمير said...

تأتي لتعلمني ان لا افقد فرحتي .. تعلمني ان هناك مجالا للحلم
بجد فيه ناس كدة
يا بختك بيه
بحد يعلمك ان فيه مجال للحلم
لك تحيتي

The Last Samurai said...

DARE TO DREAM !!

Kol Sana wenty Tayeba ... 3eed Sa3eed

west said...

تأتي بلا مواعيد او توقعات مسبقه .. تأتي من فرط حاجتي اليك .. ومن فرط جنونك
***********************************

تعلمني ان مهما ابتعدت .. ستظل عالقا في السماء في انتظار مناداتي الخافته

البوست رقيق جدا ومفهوم ودا شىء غريب الجملتيين اللى انا اخترتهم دول عجبونى جدا جدا اول مره اسمعهم صراحه
كل سنه وانتى طيبه يا فندم وربنا يحقق لك كل امانيكى

micheal said...

كلام سلس و جميل
كل سنه و أنتي طيبه
تحياتي

امرأة تقول الذي لا يقال said...

أول مرة آجي هنا ومش هتكون آخر مرة

بجد مدونتك حلوة اوي

بندق و بندقة said...

طريقتك في الكتابة جميلة و مميزة و مليانة احساس مرهف
كل سنة و انتي طيبة .. سلام

الربان said...

تحياتي

ما شاء الله...الاول اعجبت بالرسم الجميل
ثم قرأت و أحسست بأمطار الصيف التي تحدثتي عنها...يعني بصراحة كلمات دخلت القلب.

تحياتي و تمنياتي

vetrinary said...

احلى حاجه فمطر الصيف

ان الشمس بتراقب الاسفلت وهوا بيتغرق بالميه

بس مطر الصيف مبيعرفش يبلنا اوى

عشان كده مبحبوش

Ahmed Al-Sabbagh said...

رائع جدا

سعدت بزيارة مدونتك

وهابى نيو يير

احمد

Ragi said...

لماذا قرنتى الاطفال بالمجانين؟ وجعلتى المجانين نقيض العصابيين؟
كيف يكون المطر غير متوقع وفى نفس الوقت عالق فى السماء ينتظر منادتك؟
شوفى اجمل ماكتبتى فى هذا البوست الفقرة الوسطى لان التناقض هنا خدم الفكرة فالتناقض بين المطر وجفاف المشاعر وارتفاع حرارة الارهاق تم توظيفه جيدا
المدونة على بعضها رقيقة وتنم عن رهافة الحس
تحية لك

tona said...

إبـراهيم ... معـايــا

دا مساء لطيف خالص .. والصوره عجبتني انا كمان .. وحضرتك معتقدش انه ينفع تقول عليه شاعره


ميرسي ابراهيم علي الكلام الجميل دا

:)





camera_girl

البوست الاخير عندك عجبني اوي يا ميرو والصوره برضه توقعت تعجبك مانا عرفاكي مجنونه تصوير زيي

:)





e7na

هي فعلا اجمل حاجات اللي بتيجي في معاد غير معادها بس لما تكون فعلا وحشانا اوي وعايزينها

متغيبش تاني بقي

:)





مصطفى السيد سمير

يا سلاااااااااااام

انت اللي بتقول كدا

يا ابني كتباتك في اوقات كتير بتبقي من اسباب البهجه عندي

بس متتغرش

:)





The Last Samurai

حاضر .. اوعدك

:)





west

هو انا بعتذر لك عن موضوع انه مفهوم دا .. والغريبه اني انا كمان فهمته


ميرسي يا محمد علي الدعوه الحلوه دي

:)





micheal

ميرسي يا مايكل

وانت اطيب واحلي

:)





امرأة تقول الذي لا يقال

ميرسي وبجد مدونتك عجبتني اوي وعجبني انك من مجانين فيروزز برضه

:)





بندق و بندقة

يا خبر
كل الكلام الحلو دا ليه

وانتوا اطيب واجمل وزي السكر زي ما انتوا

:)





الربان

حمدالله علي السلامه اكيد دا اولا

وميرسي وبجد مبسوطه انه عجبك ووصلك الاحساس دا

:)





vetrinary

يعني هو فكره التحدي اللي بيواجه بيها كل قواعد الطبيعه اللي خصصت له فصل الشتا بس ييجي فيه دي من اهم اسباب اعجابي بيه

وكونه بيقدر يخرجنا من موودنا ويخترق حالتنا بقوه دا كفايه اوي اني احبه

فكر كده

منور علي زياراتك البعيده دي

:)





Ahmed Al-Sabbagh

انا كمان يا سيدي سعدت بمرورك اللطيف دا

وسنه جميله عليك ان شاء الله وكل الناس كمان

:)





Ragi

العصابيين اللي اقصدهم هننا هم الافراد شديدي التوتر والخوف


والمجانين في رايي هم احق الناس بالحياه والتمتع بالطبيعه وهم في اعتقادي من الناس اللس بتشوف الدنيا وبتفهما صح .. ودي ميزه في الاطفال اللي بيتعاملوا مع الدنيا بنفس البراءه والجرأه والقدره علي الحب والاستمتاع


هو ياتي في غير موعده فهو غير متوقع

ولكن هناك تواطؤ مابيني وبينه في الاسراع والاقدام علي فعل مخالفه القواعد لشده الحاجه

عارف اما تعوز حاجه اوي وتتمناها بشده وهي في الاصل مستحيله لكن زي السحر تحصل

هو دا



مبسوطه جدا بمرورك واهتمامك ويا رب دايما تشرفني

:)

bondok said...

جميل اوي ان يكون في حد في حياتنا بيغسلنا زي مطر الصيف
فجاءة من غير مواعيد حد بيعرفنا اوي بيبدا ربيع حياتنا
معاه بنحس ان احلامنا ممكنة
قلوبنا واسعه اد السما

tona said...

احلامنا معاه ممكنه .. قلوبنا واسعه اد السما






الله عليك

:)

انسان جرحته الدنيا said...

الله الله الله على الاحساس الصادق والكمات الرائعه والاسلوب الجذاب رعاكى الله ويارب تكونى مصدر سعاده وقلم بيعبر عننا دايما ارجو انك تزورى مدونتى alghroob

tona said...

انسان جرحته الدنيا


الله يكرمك .. وميرسي علي كلامك الجميل دا

انا شوفت البلوج بتاعك ولفت نظري ان اغلب اهتمامتك رياضيه وي

مبسوطه بمرورك الجميل


:)

حبيبى