Followers

Monday, September 11, 2006

اسعد الله صباحك
يا من اعدت الي جسدي روح تلك الطفله , واعدت الي ثغري تلك الابتسامه المملؤه بالعسل , وازلت عن قلبي تجاعيد صنعها الالم ...
اهديت حدائقي اشجارا تثمر فاكهة من الجنه , ومرحا من الصبا , وسعاده لم اكن اعرف بوجودها من قبل ...
بفضلك .. اعتنقت الحب وآمنت بوجود قلوب دافئه .. ايقنت بقدرتي علي العطاء .. وايقنت ايضا ان لقلبي ما يستطيع ان يقدمه غير ضخ الدم الي سائر اعضائي ...
فارجوك .. لا تتحول يوما الي آدم يؤدي واجباته بحماقه , ويتنصل منها بلا استحياء
لا تفسد ما قدمته لي , لا تحطم علينا جنتنا الصغيره , لا تذهب بدفئك وتترك لي السقيع , لا تعيدني الي وحدتي وقد ضاعفت اوجاعي
حبيبي .. اسعد الله ايامك وجعلني سببا من اسباب هناءك
تضامننا مع حملة كلنا ليلي

15 comments:

admelmasry said...

لا تتحول يوما الي آدم يؤدي واجباته بحماقه



الكلام عاجبني جدا .. بس ادم ماله بقي ولا هي بقت عادة ادم هو الشماعة بتاعت الرجالة ولا ايه

ههههههههه
بس اللغة راقية جدا .. والسرد يحيل الي الرومانسية بشاعريتها

KazaBaza said...

وايقنت ايضا ان لقلبي ما يستطيع ان يقدمه غير ضخ الدم الي سائر اعضائي

هو ده الكلام
مش المحزنه الي عملاها كل ليلي تانيه
:))

ياريت اي تضامن مع ليلي بعد كده
يكون بنفس الطريقه

هو الموضوع له علاقه ب 11 سبتمبر ولا ده تشابه تواريخ بس؟

admelmasry said...

ايه يا اخ
انت عايز تكتب اللي علي مزاجك ولا ايه
ثم انت مالك

KazaBaza said...

ايه يا عم ادم
مالك داخل شمال كده
حد كلمك ولا جه جنبك

tona said...

آدم

لا يا آدم متخافش انا بتكلم علي واحد تاني غيرك
مبسوطه ان الكلام عجبك بجد



KazaBaza

اللي انا بحاول اوضحه ان ان آدم وحوا او حنفي وليلي مكملين لبعض
ويقدروا يكونوا من اهم اسباب السعاده لبعض لو تفاهمو ومخلوش الضغوط الخارجيه تاثر عليهم وتحولهم لناس تانيه بيسببوا الالم لبعض

بس دا ميمنعش ان كل واحد وليه طريقته الخاصه في التعبير عن رايه وغضبه
واعذر باقي البلوجرز البنات لان الضغط ممكن يكون شديد عليهم
لكن همااكيد ميقصدوش العداء للرجال بصفه عامه

11 سبتمبر ايه بس انت عايز تدبسني في قضيه عالميه ويمكن يفتكروني تبع بن لادن ولا حاجه

tona said...

آدم

ايه يا ادم انا كده اقلق منك علي المشروع
دا انت كده ممكن تطفش لي العملاء

Mamdouh Dorrah said...

برافو عليكي يا تونه... لغتك سهلة و سلسه و جميلة

wanna b a bride said...

و النبي يا أوختي ..مش عندك واحد آدم تاني استبن تديهولي

احنا بنات و لازم نقف جنب بعضشينا

بس بلاش آدم المصري ده ...وحش و بيجي يتريق عليا في المدونة بتاعتي

يرضيكي يا أبلة تونا؟

tona said...

cortex
ميرسي علي دعمك
انت كمان كتاباتك لذيذه وانا بحب اسلوبك بجد



مفلس افندى الرايق
ميرسي يا فندم



wanna b a bride
هو في اكيد وانتي هتلاقيه بنفسك في يوم ان شاء الله
بس هو انتي مستعجله ليه ؟


آدم دا عسل .. دا انا ناويه اسمي ابني علي اسمه ان شاء الله .. فيما سوف يكون يعني

كلبوزة لكن سمباتيك said...

يا عيني علي الرقة
مش احنا
نحدف ادم بطوبة في عينه و نطلع تجري
ههههههه
ازيك يا تونا يا جميلة اخبارك اية؟
كل رمضان و انت بخير و زس السكر دايما
قبلاتشي

admelmasry said...

نفسي اعرف
بتروحي فيييييييين
قلبت عليكي الدنيا يا بنتي

LAMIA MAHMOUD said...

اه هو احنا تصدقي لو اتكلمنا كده في احتمال اننا نجيب نتيجة بس مش كبير برده

كراكيب نـهـى مـحمود said...

تونا دي اول زيارة ليه لمدونتك
انا قريت احلام ما قبل النوم قد ايه جميله
بس البوست ده رقيق زي البسكوته حبيت اقولك ايه الجمال ده
بمناسبة السيناريو انا كمان مهتمه اوي باني اتعلمه بس مش عارفه ابتدي منين

tona said...

اسفه جدا يا جماعه اني اتاخرت عليكم في الرد

بس الحقيقه انا الفتره اللي فاتت كنت بمر بظروف صعبه شويه

Mamdouh Dorrah said...

انتي مش بتكتبي ليه؟؟؟

حبيبى