Followers

Wednesday, November 07, 2007

بأناقه
وبثقةٍ خطِره
يفتح لي باب السيارة ، ويقول
تعالي يا فتاتي .. ولنمرح
أُعذرني
لا أجيد اللُعبه
فأجيب بصمت مختصرٍ واسيرْ
يتبعني


سأُعلم جسدك كيف يكون العُهر
والمتعه
فتعالي واغتنمي الفرصه
أختبأُ في نفسي وأُتابع
يتبعني ولا يسأم ابداً
ويعيد كلاما معسولا
وكلاما بالرغبةِ ينبض
لو كنت بلا شكل مرئي
من قومي ارحمني يا ربي




في تكتُم

إعتادي الامر

الدنيا زحامٌ آنستي

فالعربه بالجوعي إمتلأت

ما كان لكِ هنا ان تاتي

فالبيت أمان

، أواتزني

ولننهي الأمر

انتفض في ذَعر وتحدي

ابتعد فتأتي الانظار

مُتَهِمه

فلتُحرق

هي رأس الفتنه

يارب

من قومي ارحمني

أدخل في البيت واختبئ
من جسدي ومن كل الدنيا
تتبعني أمي وتسألني في صمت
مابك
لاشئ
اعتدت الصمت
حسناً فلدي الانباء
فهناك الفارس قد جاء
سيحقق كل الاحلام
من بيت وفرح وضياء
كوني في الصمت كما الآيه
فعلي أخلاقنا قد جاء
ماذا عن بعض الاحلام
عن علم وحب وأمان
عن عمل وشئ اسمه كيان
عن رغبة شخص له اسمي موضوع ببعض الاوراق
عن دنيا تملؤها الرحمه
ماذا عن كوني انسان
الموت او العيش المُرضي
والموت لمن كان جبان
يارب اعطيهم بعض العقل
يا رب الهمني بعض الصبر
والقوه
ساعدني الآن

12 comments:

الحلم العربي said...

جمييل جدا يا تونة و حسيت بيها اوي

للأسف دايما مجتمنا بيطالب البنت تكون بلاشخصية علشان تظل بنت مؤدبة في نظرهم
تحياتي لك على اختيارك

الربان said...

تحياتي

اسلوبك جميل و رشيق... المهم المضمون ايضا جيد و يطرح معاناة الفتاة في المجتمع... و علي فكرة...المعاناة ليست فقط في مصر أو عالمنا العربي...لكن ايضا في اوربا و الولايات المتحدة التي بها أعلي نسبة تحرش ... و جرائم اغتصاب.

عموما...الحل هو في ان نتعلم صحيح الدين...و نترك عادات بالية تتعارض مع مفاهيم و قيم الدين الحنيف...

و ياريت كلنا نتذكر ان نغض بصرنا..
فننهي احدي المشاكل التي تتعلق بالاناث.

تحياتي

يوسف said...

رائع يا فاتن كالعادة

عودة تدوينية و نشاط غير مألوف .. اكتر من بوست قريت .. و التعبير المميز الجذاب .. كالمعتاد

جميل جدا البوست ده بالذات
تحياتي لك

Desert cat said...

هى العادات والتقاليد
واحنا فى مجتمع شرقى
ومحو كلمة دينا ما امرش بكدا
بل فى كل شئ العادات والتقاليد وليس الدين
محتاجين صحوة دينية
ومحتاجين ننسى شئ اسمه العادات والتقاليد
دمتى بكل ود

همسات said...

هو شعر بس شعر رائع
وان كنتى مش عاوزة تحطيه فى قالب معين

مش مهم المهم انك
تظلى مبدعة يا
ت و ن ا

ibn nasser - ابن ناصر said...

ممممم جمــيل
جدا
اخلاق الناس في الشارع بقت مأساة جدا
ده أنا مبحبش أمشي مع بنت خالتي في الشارع واما بمشي ببقي متحفز للقتال حاسس اني ممكن اخش في خناقة في اي وقت
لا لا خلاص مبقاش في احترام خلاص انتهي
تحياتي

micheal said...

رائع يا تونا..ٌقمه في التجسيد و الواقعيه
تحياتي لكب

رئيس جمهوريه نفسى said...

الفكره والاسلوب والكلمات رائعين
بس اعتقد انها كانت محتاجه شويه تنظيم على هئيه قصيده لانها ااقرب للشعر
تحياتى

bondok said...

احيكي على اثارة القضية دي والاسلوبالرائع في التعبير عنها

البنت الشرقية دايما متهمةوفي كل
الحلات مزنبة
متهمة اذا اشتغلت وخرجت من البيت واذا مشتغلتش وفرطت في كينونتها
وكتير كتير من المتناقضات دي

عمري ما حبيت قصة الاميرة النائمة لانها زي كل بنت عربية
بتفضل نايمةمستسلمة لحد ما يجي امير متعرفهوش ولا يعرفها
يبوسها
تصحي
تحبه من اول نظرة
تكتفي بانه كان بيدور عليها
يجوزوا وتنتهي الحدوتة بتبات وتباته
البنات تحلم بالنوم
والشباب بالسفر والبوسة
والنتيجة
الاتنين عايشين في عالم موازي
يجمعهم بس باب اريد عريسا

camera_girl said...

جامد البوست ده تخيلته

وحسيته....بس المشكله ...ان مش ديما الهدوء ده بيفضل موجود لاازم بيجى يوم والهدوء ده هينقلب بس انقلااب هايل

tona said...

الحلم العربي

هو فعلا دا الواقع في فئات كتيره اوي من المجتمع .. يعني لازم ميكونش ليكي لا راي ولا اختيار .. لازم تسمعي الكلام ولو انجرحتي او اندبحتي مش من حقك تتكلمي

بس علي مين :)

نورتيني





الربان

هو الموضوع فعلا متعلق بالبعد عن قواعد ومرجعيات ثابته نستند عليها وتقوينا
بس هو مين اللي بعدنا عن الدين
الدين متاح للجميع
واحترام الذات والاخرين بتنص عليه كل الاديان واعتقد حتي الملحدين عندهم قناعه بان الكون ماشي بنظام تاني .. يعني عارفين ان المفروض يكون فيه نظام
المشكله مش في الدين

متشكره لمرورك ونورتني اكيد :)





يوسف

يوسف .. عوده كنت محتاجاها .. رأيك بيفرحني علي فكره ومبسوطه انه عجبك :)





Desert cat

بصي هي العادات والتقاليد مينفعش نظلمها لاننا في النهايه عندنا عقل المفروض يحكمنا
كمان العادات والتقاليد ان كانت بتيجي علي البنت في حاجات فهي برضه مقالتش خالص ان البنت كل ما تخرج من بيتها متبقاش مطمنه علي نفسها ويبقي التساخف عليها ومعاملتها علي انها مجرد جسم المفروض يبقي متاح وعادي كده.. هي كانت بتحافظ علي البنت لدرجه التحفظ والخنق
انا معاكي ان الرجوع للقواعد والثوابت في شكل عقيده ودين او حتي في اي شكل اخر لغير المتدينين شئ اساسي ومطلوب

نورتيني بجد :)





همسات

طب لما انا يتقالي مبدعه دي اعمل ايه بس
طبعا هي الكلمه كبيره اوي وواسعه عليه جدا
بس كون كتاباتي بتعجبك علي عيوبها كده فدا شرف ليه وبيفرحني :)





ibn nasser - ابن

هي فعلا الفوضي دلوقت بقت سايده بشكل مزعج ومخيف .. بس فكر معانا كده ايه ممكن يكون حل

نورت اكيد :)





micheal

ميرسي يا مايكل علي الكلام الجميل دا وبجد مبسوطه انه عجبك :)





رئيس جمهوريه نفسى

مش فاهمه تقصد تنظيم في الشكل ولا المضمون من الناحيه الادبيه
بس هو عامه انا مش شايفه اني لازم التزم بشكل ادبي معين
لكن الشكل الخارجي اعتقد ظبطه

ميرسي اكيد علي توجيهك ونورت بجد :)





bondok

ايواااااااااااه .. المتناقضات .. هي دي وكويس انك وصلتلها .. متخرجيش من البيت من غير سبب ويفضل متخرجيش اساسا .. اخرجي عشان تشتغلي بدل ما انت قاعده .. متكلميش حد ومتخطلتيش بحد .. ايه ؟ هو مفيش عريس كده ولا كده ؟ .. متحطيش مكياج عشان حرام وعيب .. انت مش شايفه البنات بيعملوا ايه في نفسهم هو انت مش بنت ولا ايه


ياساتر
ايه الرغي اللي فوق دا

عامه مبقاش فيه دلوقت اميره نائمه .. في اميره شقيانه ومتعلمه وبتشارك في كل حاجه .. هي بس محتاجه شويه تعاون وفهم
نورت واسفه للتطويل :)





camera_girl

هو احيانا الهدء بيكون جو مناسب للتحرك السليم .. بس معاكي انه مش لازم يطول اوي.. هو بس بياخد وقته

مبسوطه انه عجبك يا ميرو :)

شاب مصري مفروس said...

فكرة حلوة وكلمات رائعة ومعبرة

عجبنى البوست ده جدااااااااا

تحياتى يا تونا

حبيبى